 S U J E T 2 0 2 4 
Jetzt esches doss, ganz offiziell
Euses Sujet – söffig ond originell.
Mer freue eus ar Fasnacht flissig z‘proschte
Ond döi derför vöu Rosé poschte.
La vie en Rosé – s‘Läckerli Sujet 2024
HILARI 2024
Wow, wow, wow! Was fürne tolle Hilari esch das xi! 
Härzleche Dank för alli Awäsende ond Involvierte ader Ufnahmeprüefig! 
Mer hei 4 neui Läckerli ond derzue no 1 neus Probiererli ond 2 Schnopperli 
Ufne tolli Fasnacht 2024, Santé
🤶🏻 H E I L I G E B I M B A M 🧑🏻🎄
Badsache ned vergässe heds am 2.12 gheisse
Borner/Balz duet nämmli weder mou e Party schmeisse
15 Läckerli hei die Iiladig dankend entgägegnoh
ond ufem Ildefonsplatz vom Schmotzli & Samichlaus fascht usschliesslich Guets vernoh
Si aschliessend de ide Badi fein go trenke ond ässe
Ond hei ide Hot Pots för einisch die stränge Fasnachtsvorbereitig chönne vergässe.
Es esch einisch meh wonderbar xii ✨
HERBSCHTBOTT
Unteremne söffige Motto hei sich d‘Läckerli dasmol troffe ond si dör die schöni Heimstadt gloffe. 
Met französische Accessoires ond Akzänt fascht astreinesch tronke worde vöu Rosé ond gässe sehr fein! 
Inklusiv Bsuech am Jubiläumsfescht bide @mueues ir Rötzmatt E tolle Tag avec les filles Läckerli – eifach cheibe glatt!
MAIBOTT 2023
…was fürne glungnige Tag, einisch meh! Sujet Abstimmige, GV ond natürli de traditionelli Läckerli Family Event!
Eifach toll, Teil vode Läckerli Familie zsii 🫶🏼
💕 M A I B O T T 💕
…was fürne glungnige Tag, einisch meh! Sujet Abstimmige, GV ond natürli de traditionelli Läckerli Family Event!
Eifach toll, Teil vode Läckerli Familie zsii 🫶🏼
Fasnacht 2023
Piñata – Bäääm!
Scho esch ou die Fasnacht weder verbii – e bonti, luuti ond fröhlechi esches xi..
Danke allne wo met eus Piñatas gfeschtet hei, alli Läckerli Fröndinne ond Frönde ond natürli euses neue Zonftlokal, d’Schlosserei!
Mer starte bald met de Planig för s’neue Johr ond freue eus!
Hilari 2023
Äntli escher do,
der offiziell Start ines neus Fasnachtsjohr!
Traditionell heimer eus bim Hübeli troffe
und si am Programm vode Probiererli noche dör d‘Stadt Olte gloffe.
Einisch meh simmer beschtens verchöschtigt worde,
bi Frönde ontercho ond hei gsonge ganz ohni Sorge.
Mer freue eus wahnsennig uf d‘Fasnacht 2023 ond hoffe, aui hei de Hilari so rechtig gnosse!
#hilari#oltnerläckerli#läckerli#oltnerfasnacht#sängerinneclique#fasnachtsclique#clique#oltenentdecken#fasnacht2023
Läckerlitag
Trotz de sehr hetzige Temperature heimer höt dörfe en tolle Läckerlitag dörefüehre!
Gstartet heimer am 10ni metem Maibott im Fröscheteich, witergange esches denn am 11i metem Sujetworkshop.
Nach ere lange Irarbeitigsphase ond em Vorstelle vo 7 verschedene Sujet het denne de Mönzworf de Entscheid för d‘Fasnacht 23 gfäut! 
Denn hets no en Öberraschig för eusi 6 Probiererli gäh: Ab sofort dörfe die nämmli us ehrem eigete Zinnbächer trenke
Aschliessend hed sech d‘Läckerlifamilie in Starrkirch zur zwöite ‚Läckerli-Family-Party‘ troffe.
D‘Familie wachst ond wachst, das esch wonderbar!
Eifach wedermol en rechtig tolle Läckerlitag…
Läckerli bide Lüüt
Was fürnes Wuchenändi! Unzähligi Liter Bowle met ohni ohni Schoss, x-Bier und Gin Tonics, es paar Shöttlirundine und e riese Sack Popcorn – Beizlifescht es het gfägt!
Merci a @oltentourismus und @srfbideluet für das tolle Wuchenändi i eusere Lieblingsstadt
Härzleche Dank a alli wo bi eus agstosse, tanzet, gshöttlet und Depot abgholt hend.